Столтенберг НАТО трансформацияланып, шығысқа әскер жіберіліп жатқанын мәлімдеді

Әскер, сурет - Zakon.kz жаңалық 10.04.2022 14:55

Сурет: Facebook/NATO

НАТО-ның Бас хатшысы Йенс Столтенберг альянс өзінің шығыс қапталында тұрақты қарулы күштерді орналастырудың жаңа жоспарларын жасап жатқанын айтты, деп хабарлайды Zakon.kz.

The Telegraph британдық басылымына берген сұқбатында ол бұл Ресейдің Эстонияға немесе Латвияға шабуыл жасау ықтималдылығына байланысты екенін айтты.

Сондай-ақ, Столтенберг НАТО-ны күшейту "альянстың түбегейлі қайта жаңғыруына" айналатынын атап өтті.

Украинадағы жағдайды айта отырып, Столтенберг НАТО-ның "жаңа шынайы жағдайға бейімделуі керек", - деді.

Қазір әлем өзгеріп жатыр, НАТО да өзгеруде. НАТО Бас хатшысы Йенс Столтенберг

Столтенберг қазіргі уақытта НАТО-ның Шығыс шекараларында 40 мың солдат шоғырланғанын атап өтті. Украинада ресейлік әскери арнайы операция басталғанға дейін бұл көлем 10 есе аз еді.

Ресей 2021 жылы АҚШ пен НАТО-ға қауіпсіздік кепілдіктері жөніндегі талаптарды берді. Олардың арасында альянстың шығысқа қарай қанат жаю жоспарынан бас тартуын сұраған ұсыныс та болды. Мәскеу қауіпсіздік кепілдіктерін беруден бас тартуды жауап деп санады. 24 ақпанда Ресей президент Владимир Путиннің бұйрығымен Украинада әскери операция басталды. Мәскеу Киевпен арадағы келіссөздерде НАТО-ға кіру жоспарларынан бас тартуды талап етті.

Оқи отырыңыз