Қостанай облысында "Бекет-2022" ведомствоаралық оқу-жаттығуы басталды
![Жауынгерлік дайындық, сурет - Zakon.kz жаңалық 20.09.2022 19:24](https://kaz.zakon.kz/pbi/WEBP/2023-12-20/file-88670c80-7b1a-4d91-8ef8-bd5b81b3d79f/800x451.webp)
Кешенді оқу-жаттығуға қатысушыларға ведомствоаралық үйлестіруді қамтамасыз ету, әртүрлі ведомстволық күштердің өзара іс-қимылын пысықтау, аумақтық қорғаныстың уәкілетті органдары мен бөлімшелерінің жұмылдыру әзірлігінің жай-күйін тексеру міндеттері жүктеледі, деп хабарлайды Zakon.kz.
ҚР Қорғаныс министрлігі баспасөз қызметінің мәліметінше, бұл оқу-жаттығуға Қостанай облысының аумақтық қорғаныс құрамасында есепте тұрған әскери міндеттілер шақырылды. Оларға жауынгерлік оқудың негізгі пәндері бойынша сабақ өткізіледі.
Екі кезеңде өтетін оқу-жаттығудың белсенді фазасы 21 қыркүйекте басталады. Мемлекеттік органдар мен күштік ведомстволардың өкілдері бес күн бойы "Бекет-2022" оқу-жаттығуының бекітілген жоспары бойынша дағдарыстық жағдайды еңсерудің және сыртқы қауіп-қатерлерге қарсы тұрудың түрлі сценарийлерін пысықтайтын болады. ҚР Қорғаныс министрлігі баспасөз қызметі
Оқу-жаттығу барысында облыс орталығының кейбір көшелерінде қозғалыс шектеледі. Ол жайлы жергілікті тұрғындарға қосымша хабарланатын болады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript