Еуропадан келген инспекциялық топ Қазақстанның әскери нысандарын аралайды

Жұмыс сапары, сурет - Zakon.kz жаңалық 08.10.2022 15:06

Сурет: gov.kz

Жұмыс сапары барысында Германия, Ұлыбритания және Эстония инспекциялық тобының мамандары ҚР Қорғаныс министрлігінің әскери бөлімдері мен басқа да объектілеріне барады, деп хабарлайды Zakon.kz.

Инспекциялау 2011 жылғы 30 қарашадағы ЕҚЫҰ форумының жалпы отырысында қабылданған сенім мен қауіпсіздікті нығайту шаралары туралы Вена құжаты бойынша міндеттемелерді орындау шеңберінде өтеді.

Әскери сарапшылар Жамбыл облысындағы "Мәтібұлақ" полигонында өтіп жатқан ҰҚШҰ оқу-жаттығуларының барысымен танысты.

Келісілген жоспар бойынша олар Гвардейск – Қонаев пен Алматы қалалары бағыттары бойынша аумақты ұшып өтетін болады. Бағдарламада сондай-ақ әскери бөлімдерде брифингтер өткізу және "Іле", "Шошқалы" және "Жағалау" оқу-жаттығу полигондарындағы инспекциясы көзделген.

Сурет: gov.kz

Әскери инспекторлардың қорғаныс ведомствосы объектілеріне баруы Қазақстан Әскери ынтымақтастық пен қауіпсіздікті қамтамасыз ету саласында ұстанатын айқындылық пен ашықтыққа жауап береді.

Оқи отырыңыз