Қорғаныс министрі құмар ойын ойнаған әскери қызметкерлер жөнінде пікір білдірді

Қорғаныс министрлігі, ойынхана, әскери қызметкер, сурет - Zakon.kz жаңалық 10.11.2022 10:28

Сурет: pixabay

10 қарашада Сенат кулуарында ҚР Қорғаныс министрі Руслан Жақсылықов ойынханада 95 миллион теңгеден айырылған қызметкерлер туралы айтты, деп хабарлайды Zakon.kz тілшісі.

Қорғаныс министрлігінің басшысы әрбір әскери қызметшіге қызметтік тексеру тағайындалғанын атап өтті.

Онда қызметкерлер емес, әскери күштердің әскери қызметшілерінің саны бар. Олардың әрқайсысына қазір қызметтік тексеру тағайындалды. Ал тергеу қорытындысы бойынша одан әрі қызметін жалғастыру-жалғастырмау туралы шешім қабылдаймын. Бірақ алдымен , тергеу жүргізейік. Қазақстан Республикасының Қорғаныс министрі Руслан Жақсылықов

Сондай-ақ журналистер Қорғаныс министрлігінің басшысынан әскерилер казиноға ақшаны қайдан алғанын сұрады.

Олар әскери қызметкерлердің орташа құрамы. Олардың арасында жоғары құрамнан әскерилер болған жоқ. Өздеріңіз білесіздер, жоғары құрам қызметкерлерінің уақыты жоқ, өйткені біз үнемі далада жұмыс істеп жатырмыз. Біздің әскери қызметкерлерге берілетін сома аз. Олар тәжірбиесі жоқ жастар. Руслан Жақсылықов

19 қазанда Алматы облысының прокуратурасы ойынханалар мен ойын автоматтары залдарын тексеру аясында мемлекеттік қызметте жүргенде ойын орындарына барған түрлі өңірлерден 305 мемлекеттік қызметкер анықталғанын мәлімдеді.

Олар құмар ойындарға 507 миллион теңге жұмсаған. Түрлі ведомство өкілдерінің арасында қызметкерлері 95 миллион теңге ұтқызған Қорғаныс министрлігі де бар екені белгілі болды.

Оқи отырыңыз