Қарағанды облысында әуе қорғанысы бойынша ТМД-ға мүше елдердің біріккен оқу-жаттығуы өтеді
![Біріккен оқу-жаттығуы, әуе қорғанысы, ТМД, Қарағанды облысы, сурет - Zakon.kz жаңалық 04.09.2023 23:27](https://kaz.zakon.kz/pbi/WEBP/2023-12-20/file-b6876bc7-aa64-4d6b-9cc8-76bc87f26f4d/800x450.webp)
"Сарышаған" полигонында ТМД-ға мүше мемлекеттердің әуе шабуылына қарсы қорғаныс жүйесі біріккен әскерлерінің (күштерінің) жауынгерлік атысымен қоса өтетін "Жауынгерлік достастық-2023" оқу-жаттығуына дайындық жүріп жатыр, деп хабарлайды Zakon.kz.
ҚР Қорғаныс министрлігі баспасөз қызметінің хабарлауынша, бұл оқу-жаттығудың белсенді кезеңін Армения, Қырғызстан, Ресей және Өзбекстанның қорғаныс ведомстволары мен ӘШҚҚ әскерлерінің өкілдері бақылайды.
Оқу-жаттығуға қазақстандық күштер мен әуе шабуылына қарсы қорғаныс құралдарынан басқа Қырғызстан Қарулы күштері зениттік-зымырандық кешендерінің жауынгерлік есептоптары да қатысады. Олардың әскери контингенті Жамбыл және Қарағанды облыстары арқылы өтеді.
"ТМД-ға мүше елдердің біріккен ӘШҚҚ жүйесі шеңберінде оқу-жаттығуға жұмылған елдердің сыртқы шекараларын күзету бойынша бірлескен жауынгерлік кезекшілік жүзеге асырылмақ. Аталған шара 1995 жылғы 10 ақпандағы ТМД-ға қатысушы мемлекеттердің біріккен әуе шабуылына қарсы қорғаныс жүйесін құру туралы келісімге сәйкес ұйымдастырылып отыр", делінген хабарламада.
Қолданыстағы жоспар бойынша оқу-жаттығу екі жылда бір рет өткізіледі.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript