Президент отандық қорғаныс өнеркәсібі кешенінің әлеуетімен танысты

Қасым-Жомарт Тоқаев, отандық қорғаныс өнеркәсібі кешені, сурет - Zakon.kz жаңалық 05.09.2023 18:35

Сурет: akorda.kz

Алматы облысындағы оқу-жаттығу жиыны барысында Мемлекет басшысы – Қарулы Күштердің Жоғарғы Бас қолбасшысы Қасым-Жомарт Тоқаевқа отандық қорғаныс өнеркәсібі кешені кәсіпорындарының қару-жарақ пен әскери техника шығару және жөндеу мүмкіндіктері таныстырылды, деп хабарлайды Zakon.kz.

Атап айтқанда, далада ұйымдастырылған арнайы алаңқайда Орталық Азия аймағындағы бронды техникаларды жөндеуге маманданған жалғыз "Семей инжиниринг" (Семей) зауыты бронды жөндеу-эвакуациялық транспорттау машинасын пайдалана отырып, ұрыста зақымданған техниканы қайта қалпына келтіру барысын көрсетті, делінген Ақорда хабарламасында.

Отандық қорғаныс өнеркәсібі кешені, әскер, сурет - Zakon.kz жаңалық 05.09.2023 18:35

Сурет: akorda.kz

"Navyco" компаниясының өкілі (Астана) бронды техниканы қалпына келтіруге арналған агрегаттардың дала жағдайында қалай ауыстырылатыны, ал "КамАЗ Инжиниринг" (Көкшетау) және "№405 авиажөндеу зауыты" (Алматы) кәсіпорындары әскери техниканы құрастыру, қалпына келтіру мүмкіндіктері жөнінде мәлімет берді.

Бронды техника, көрме, сурет - Zakon.kz жаңалық 05.09.2023 18:35

Сурет: akorda.kz

Көрмеге Қазақстан мен Түркияның "Қазақстан Aselsan инжиниринг" (Астана) бірлескен кәсіпорны, "Восток Полимер Снаб" ЖШС (Өскемен), "Universal-Build" ЖШС (Алматы), "Energy General" ЖК (Алматы) және басқа да кәсіпорындардың өнімдері қойылды.