Қызылорда облысында "Жайлы мектеп" ұлттық жобасы аясында 21 мектеп салынады

Жайлы мектеп, Қызылорда облысы, жаңа мектеп, сурет - Zakon.kz жаңалық 27.11.2023 20:09

Сурет: Қызылода қаласы әкімдігінің баспасөз қызметі

Мемлекет басшысының бастамасымен 2025 жылға дейін 800 мың баланың заманауи мектепте білім алуына жағдай жасау мақсатында "Жайлы мектеп" ұлттық жобасы қолға алынды. Қызылорда облысында ұлттық жоба аясында 12 300 орындық 21 мектеп салынады, деп хабарлайды Zakon.kz.

Өңір әкімдігі баспасөз қызметінің хабарлауынша, Арал ауданында - 4, Қазалы, Қармақшы және Жаңақорған аудандарында – 2 жайлы мектептен, Жалағаш, Сырдария, Шиелі аудандарында 1 мектептен, Қызылорда қаласында – 8 заманауи мектеп бой көтереді.

Сурет: Қызылода қаласы әкімдігінің баспасөз қызметі

Биыл жоспарланған 10 мектептің тоғызының құрылысы басталды, оның бесеуі облыс орталығында орналасқан. Облыстағы алты апатты мектептің төртеуінің мәселесі осы "Жайлы мектеп" жобасы аясында шешімін табады.