Жаңалықтар тізбегі
0

ҚР Көлік министрі Сыр өңіріне жұмыс сапарымен келді

Жұмыс сапары, Марат Қарабаев, Көлік министрі, Қызылорда облысы Сурет: Қызылорда облысы әкімдігінің баспасөз қызметі
ҚР Көлік министрі Марат Қарабаев Сыр өңіріне жұмыс сапарымен келіп, аймақтың жол-көлік инфрақұрылымы нысандарының жұмысымен танысып, облыс тұрғындарымен кездесті, деп хабарлайды Zakon.kz.

Қызылорда облысы әкімі баспасөз қызметінің хабарлауынша, Көлік министрі облыс орталығындағы сол жағалауда бой көтерген жаңа автовокзал құрылысымен танысты.

Нысан пайдалануға берілгеннен кейін барлығы 55 автобус маршруты (124 рейс) ұйымдастырылады. Мұнан бөлек, Ташкент қаласына 1 халықаралық рейс, 46 ауданаралық, Астана, Алматы, Шымкент, Жезқазған, Түркістан, Сарыағаш, Жібек жолы (Черняевка), Ақтөбе және тағы басқа қалаларға 8 маршрут жолға шығады. Нысан жаз мезгілінде күніне 3700-ден астам, қыста мыңнан астам жолаушыға қызмет көрсетуге ыңғайластырылып салынады. Құны 975 млн. теңгені құрайтын жаңа автовокзал құрылысы жыл соңына дейін аяқталып, халық игілігіне қызмет етпек.

Жаңа автовокзал, құрылыс, Қызылорда облысы, Көлік министрі

Сурет: Қызылорда облысы әкімдігінің баспасөз қызметі

Әрі қарай министр күрделі жөндеуден өткен теміржол вокзалына барды. Өткен ғасырдың басында салынған тарихи нысанды жөндеу жұмыстары сәуір айында басталды. Бүгінде сыртқы және ішкі жөндеу жұмыстары аяқталып, ғимарат жаңа кейіпке еніп, келбеті ажарлана түсті. Вокзал аумағындағы 2-ші перронға және автотұраққа жаңа асфальт жабындысы төселді. Жобаның жалпы құны 577 млн теңгені құрайды. Оған "Қазақстан Темір Жолы" компаниясынан 322 млн теңге және жергілікті кәсіпкерлердің демеушілігі есебінен 255 млн теңге қаржы бөлінді.

Әуежай, Қызылорда, құрылыс, Көлік министрі, жұмыс сапары

Сурет: Қызылорда облысы әкімдігінің баспасөз қызметі

Сапар соңында Көлік министрі меценат Болат Өтемұратовтың қоры есебінен құрылысы қарқын алған, халықаралық стандарттарға сай заманауи әуежай терминалымен танысты. Қазіргі әуежай жылына 137 мың адамға қызмет көрсетсе, жаңа терминал іске қосылғаннан кейін 220 мың жолаушыны қабылдай алады. Ал жүк тасымалдау көлемі 150 тоннадан 240 тоннаға дейін ұлғаймақ. Жалпы алаңы 7500 шаршы метр болатын әуежайда телескопиялық трап, жолаушыларға, оның ішінде қозғалыс қабілеті шектеулі азаматтарға ыңғайлы болу үшін эскалаторлар мен лифттер қарастырылмақ. Терминал құрылысы 2024 жылы аяқталады.

Жұмыс сапары, Көлік министрі, Қызылорда облысы, теміржол терминалы

Сурет: Қызылорда облысы әкімдігінің баспасөз қызметі

Сапар барысында Марат Қарабаев өңір тұрғындарымен кездесіп, азаматтарды жеке қабылдады. Облыс орталығындағы көпқабатты тұрғын үйлердің абаттандырылған ауласын көріп, жаңадан ашылған "Анаға тағзым" орталығының жұмысымен танысты. Облыс әкімі Нұрлыбек Нәлібаевпен аймақтың жол-көлік инфрақұрылымын дамыту мәселелерін талқылады.

Көпқабатты тұрғын үй, абаттандырылған аула, Қызылорда, Көлік министрі

Сурет: Қызылорда облысы әкімдігінің баспасөз қызметі


Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: