Оралда "Біз таза ел үшін" экологиялық акциясы өтті
![Экологиялық акция, БҚО, Орал, Біз таза ел үшін, сурет - Zakon.kz жаңалық 12.06.2024 17:52](https://kaz.zakon.kz/pbi/WEBP/2024-06-12/file-ea62ad80-bdb7-4dc0-bc48-5190aa0d00dc/400x224.webp)
Орал қаласында аталған экологиялық акция аясында облыс жастарының бастамасымен "Біз таза ел үшін" қоқыс жинап жарысу шарасы өтті. Акцияға 200-ге жуық адам қатысып, экологиялық мәдениетті қалыптастыра отырып, туған жерге деген сүйіспеншілікті оятудың нағыз үлгісін көрсетті.
![Экологиялық акция, БҚО, Орал, Біз таза ел үшін, сурет - Zakon.kz жаңалық 12.06.2024 17:52](https://kaz.zakon.kz/pbi/WEBP/2024-06-12/file-ee52f941-c4b5-4541-84d6-da34cabc9d3e/800x601.webp)
Сурет: БҚО әкімдігінің баспасөз қызметі
"Бұл іс-шараның мақсаты – халық арасында экологиялық белсенділікті дамыту және кеңінен насихаттау. Бүгін 200 қап қоқыс жиналды. 200-ден астам ерікті осы игі іске атсалысып, бірнеше сағаттың ішінде қаламызды қоқыстан тазалап шықты. Қатысушылар мүмкіндігінше көп қоқыс жинауға тырысты. Жалпы биыл қалада 20-ға жуық акция өткізуді жоспарлап отыр", - дейді облыстық Жастар рухының төрағасы Архат Исламғали.
Сурет: БҚО әкімдігінің баспасөз қызметі
Облыс жастары орталық базар аумағын таңдап, бастамашылдық жасады, өйткені олардың пікірінше, бұл учаске қаладағы ең ластанған аумақ болып саналады.
![Қоқыс жинау, БҚО, Орал, Біз таза ел үшін экологиялық акциясы , сурет - Zakon.kz жаңалық 12.06.2024 17:52](https://kaz.zakon.kz/pbi/WEBP/2024-06-12/file-c81a2245-2ca0-4b35-862f-39e0cfcefeaf/540x712.webp)
Сурет: БҚО әкімдігінің баспасөз қызметі
Ұйымдастырушылардың айтуынша, мұндай экологиялық іс-шаралар алдағы уақытта да жиі өткізіліп тұрады.
Сәуір айы бойынша ұйымдастырылған санитарлық тазалық айлығына 12944 тұрғын, 3321 мекемелер мен кәсіпорындар қатысты, 231 парктер мен сверлер жиналды, 44 мыңнан астам әртүрлі ағаш көшеттері отырғызылды, 1221 әлеуметтік, 3307 кәсіпкерлік және өнеркәсіптік нысандарға, 525 тарихи-мәдени ескерткіштерге тазалық жұмыстары жүргізілді.
![Экологиялық акция, БҚО, Орал, Біз таза ел үшін, сурет - Zakon.kz жаңалық 12.06.2024 17:52](https://kaz.zakon.kz/pbi/WEBP/2024-06-12/file-55269ff4-8ad1-4c0e-afb7-002877626710/800x531.webp)
Сурет: БҚО әкімдігінің баспасөз қызметі
Экологиялық айлыққа 1134 техника жұмылдырылып, 49102 тонна қоқыс шығарылды.
Тазалық айлығы аясындағы абаттандыру жұмыстары жыл соңына дейін жалғасын табатын болады.