Сарапшы сүзбе сатып алғанда неге назар аудару керектігін айтты
Сурет: pxhere
Өнім таңбаламасын қоса алғанда, Кеден одағының техникалық регламенттерінің талаптарына сәйкес келетін тауарларды сатып алуда тұтынушыларды уақтылы хабардар ету – сапалы және қауіпсіз өнімді сатып алуда маңызды рөл атқарады.
- Егер өнім "техникалық регламенттерде, гигиеналық нормативтерде белгіленген қауіпсіздік талаптарына сәйкес келмейді" деп танылса, онда бұл өнімнің қауіпті болғаны;
- Таңбаламасы нормативтік құқықтық актілердің талаптарына сәйкес келмейтін өнім;
Сурет: Жанна Биятан
ҚР заңнамаларының барлық қауіпсіздік талаптары, оның ішінде Кеден одағының "Тамақ өнімдерінің қауіпсіздігі туралы" 021/2011, "Тамақ өнімдерін таңбалауға қатысты" 022/2011 және "Қаптаманың қауіпсіздігі туралы" 005/2011 техникалық регламенттеріне сәйкестігіне кешенді зерттеу жүргізу мақсатында сатып алынған өнім Қазақстан Республикасы Денсаулық сақтау министрлігі Санитарлық-эпидемиологиялық бақылау комитетінің Атырау облысы бойынша "Ұлттық сараптама орталығы" ШЖҚ РМК филиалының аккредиттелген зертханасына бұрын қолжеткізілген ынтымақтастық туралы уағдаластыққа орай тапсырылды.
24.06.2024 ж. № 266 хаттамаға сәйкес:
- пайдалану бойынша ұсыныстар мен шектеулер көрсетілмеген;
- қаптаманы көпжақтықорғауға арналған өңдеу әдісі көрсетілмеген;
- тамақ өнімдерінің қаптамасындағы таңбаламаға жазылған жазулар Кеден одағына мүше мемлекеттердің заңнамасы талаптарына сәйкес Кеден одағына мүше мемлекеттердің орыс және мемлекеттік тілдерінде жазылуға тиіс;
Сурет: Жанна Биятан
Кеден одағының "Тамақ өнімдерінің қауіпсіздігі туралы" 021/2011 техникалық регламентіне сәйкес, осы Техникалық регламенттің және Кеден одағының өзге де техникалық регламенттерінің талаптарына сәйкес келмейтін тамақ өнімі, оның ішінде жарамдылық мерзімі өткен тамақ өнімін Кеден одағына мүше мемлекеттердің уәкілетті органының немесе шаруашылық қызметінің өзінің (тағам өнімінің иесінің) қатысуымен айналымнан алынуға жатады.
КО ТР 021/2011 40-бабы 1-тармағы негізінде ЕАЭО-ға мүше мемлекеттер (бұрынғы КО) техникалық регламент талаптарына сәйкес келмейтін тамақ өнімдерін ЕАЭО (бұрынғы КО) кедендік аумағында айналымға шығармауға, сондай-ақ мұндай тауарларды айналымнан алу үшін барлық шараларды қолдануға міндетті.
ҚР "Тұтынушылардың құқықтарын қорғау туралы" заңының 25-бабына сәйкес, сатушының/әзірлеушінің міндетіне тауар, дайындаушы туралы толық ақпарат беру кіреді.
Бұл ретте ақпарат мемлекеттік тілде де, орыс тілінде де берілуге тиіс. Бір тілде немесе шет тілінде берілген ақпарат – ақпарат берілмеген болып есептеледі.
Ақпарат мәтіні "Қазақстан Республикасындағы Тіл туралы" заңының талаптарына сәйкес келуі тиіс.
Сәйкестікті міндетті растауға жататын тауарды, оның ішінде импорттық тауарды сәйкестікті растау туралы тиісті құжатсыз сатуға да жол берілмейді.
Сәйкестік туралы декларацияның болуын, сондай-ақ оның дұрыстығын Еуразиялық экономикалық комиссияның сайтынан, берілген сәйкестік сертификаттарының және сәйкестік туралы тіркелген декларациялардың бірыңғай тізілімін сілтеме бойынша, сондай-ақ қазақстандық тізілім арқылы бақылауға болады.
Тамақ өнімдерін тұтынушылардың назарына!
- Тұтынушы қаптамада жазылған таңбаламаны мұқият оқыңыз, бұл сізді қауіпті өнімді сатып алудан сақтайды;
- Өнімді сатып алу фактісін растайтын фискалдық немесе тауарлық чекті талап етіңіз, өйткені чекте сізге тауарды сатқан сатушы, сатып алу уақыты, тауардың құны, оның салмағы немесе көлемі туралы ақпарат бар, егер сіз сапасыз өнімді сатып алған жағдайда мұның сізге пайдасы болуы мүмкін;
- Өнімнің қауіпсіздігі мен сапасын растайтын сертификат/декларацияны талап етіңіз.
"МОТҚҚҚ" ҚБ республикалық маңызы бар әрбір қала мен Қазақстанның барлық облыс орталықтарында азық-түліктік және азық-түліктік емес өнімдердің 15-тен 40-қа дейінгі түрі зерттеуге берілді.
Зерттеу материалдарының нәтижелері шаралар қабылдау үшін тиісті органдарға жіберілді.
Бұл материалды әлеуметтік жобаның орындаушысы – "Маңғыстау облыстық тұтынушылардың құқықтарын қорғау қоғамы" қоғамдық бірлестігі дайындады.
Тауарлардың (жұмыстардың, көрсетілетін қызметтердің) сапасын зерттеу нәтижелері туралы "МОТҚҚҚ" ҚБ тарататын ақпараттар жарнама болып табылмайды және тұтынушылардың құқықтары мен заңды мүдделерін іске асыруға ықпал етеді.
Осыған ұқсас сұрақтар бойынша байланыс нөмірі 87054222739 немесе Instagram парақшасы.
