Шай қаптамасы мен бөтелкедегі су құрамынан қандай олқылықтар анықталды
Сурет: pxhere
Бұл екі сусынның несі ортақ деп сұрарсыз. Мәселе – бұл екі тауар үлгісі Маңғыстау облыстық тұтынушылардың құқықтарын қорғау қоғамының сарапшысы Жанна Биятан мен Шаруашылық жүргізу құқығындағы ҚР Президенті Іс басқармасы Медициналық орталығының "Санитарлық-эпидемиологиялық сараптама орталығы" РМК назарынан тыс қалмады.
Шай әрбір екінші қазақстандықтың дерлік тұтыну қоржынына кіретіні сөзсіз. Бұл сусын жүйке жүйесін тыныштандырып қана қоймайды, сонымен қатар иммундық және жүрек-тамыр жүйесіне оң әсер етеді.
Қара шайдың құрамында көптеген пайдалы компоненттер бар. Бірақ сапалы шайды таңдау оңай ма? Мұны "Маңғыстау облыстық тұтынушылардың құқықтарын қорғау қоғамы" қоғамдық бірлестігінің мамандары ғана біледі.
Сынаманы зертханалық әдіспен тексерудің бірегей мүмкіндігін ескере отырып, Қарағандыда "Alico" қара шайы Техникалық регламент ережелерін бұзушылардың "қара тізіміне" енді.
Сурет: Жанна Биятан
Шай сусынын дұрыс таңдауда не нәрсеге назар аудару керектігіне қатысты "Маңғыстау облыстық тұтынушылардың құқықтарын қорғау қоғамы" қоғамдық бірлестігінің сарапшысы Жанна Биятан төмендегідей кеңес береді:
"Alico" қара шайының қаптамасында 2024 жылдың 20 қыркүйегіндегі №343 хаттамаға сәйкес азық-түлік өнімдерінің құрамы туралы мәліметтер болмаған. Шайдың көлемі, оны сақтау шарттары, өндірушінің атауы мен орналасқан жері туралы ақпарат көрсетілмеген. Қорытындылай келе, таңбаламаның мемлекеттік және орыс тілдеріне аудармасын да таппадық".
Оның айтуынша, бұл өрескел заңбұзушылық саналады.
"Қазақстан Республикасының "Тұтынушылардың құқықтарын қорғау туралы" заңының 25-бабы 7-тармағына сәйкес, барлық ақпарат мемлекеттік тілде де, орыс тілінде де көрсетілуі тиіс. Өкінішке орай, біз мұны бұл өнімнен көре алмадық".
Қолданыстағы Кеден одағының "Тағамдық өнімдердің таңбаламасына қатысты" 022/2011 техникалық регламенті ережелерініңтікелей бұзылуы бар.
"Zam Zam" және қырық қарақшы
Екінші үлгі "Zam Zam Water" сынамасы да қауіпсіздік стандарттары мен кеден заңнамасы бойынша қолданыстағы ережелер тізімін бұзғаны анықталды.
Сурет: Жанна Биятан
Бұл өнімнен төмендегідей олқылықтар анықталды:
- Азық-түлік өнімдерінің құрамы – жоқ.
- Өндірілген күні – жоқ.
- Жарамдылық мерзімі – жоқ.
- Мемлекеттік және орыс тілдерінде таңбалама жоқ.
- Бірыңғай EAC белгісі жоқ
- Тағамдық құндылығы жоқ.
- Сақтау шарттары туралы ақпарат жоқ.
Тұтынушылар назарына!
EAC айналым белгісі дегеніміз не? Бұл сұрақты тұтынушылар жиі қояды.
EAC аббревиатурасы Еуразиялық сәйкестікті білдіреді. Ол ЕАЭО-да сертификаттаудан өтуі тиіс өнімдердің жапсырмаларына қолданылады. Мұндай тауарлардың барлық түрлерін біріктіретін нақты тізім жоқ. Таңбаның қажет екенін анықтау үшін өнімнің әрбір түріне арналған техникалық регламенттерді зерделеу қажет.
EAC айналым белгісі жоқ өнім контрабандалық жолмен әкелінген контрафактілік өнім болуы мүмкін.
Сертификаттауға жататын және таңбаламаны қажет ететін тауарлардың тізбесі:
- Азық-түлік өнімдері.
- Жиһаз заттары.
- Тұрмыстық электр аспаптары.
- Ұзартқыштар мен кабельдер.
- Компьютерлер.
- Жеңіл өнеркәсіпке жатқызылған өнімдер.
- Косметика, парфюмерия.
- Балалар мен жасөспірімдер пайдалануына арналған өнімдер.
ЕАС таңбаламасы өнім нарыққа шығарылғанға дейін қолданылады (2011 жылдың 15 шілдесіндегі №711 Кеден одағы комиссиясының шешімімен бекітілген Еуразиялық экономикалық одақ нарығында тауар айналымының бірыңғай белгісін қолдану тәртібінің 2-бөлімі) және бұл өнімнің сертификатталған/декларацияланғанына кепілдік береді.
Өнімдердегі EAC белгісінің түпнұсқалығын қалай тексеруге болады?
- EAC белгісі анық көрінетін және оқуға оңай болуы керек. Оны бұйымға немесе қаптамасына зақымдамай алып тастау қиын болатындай етіп жағу керек.
- EAC белгісінің түпнұсқалығын тексеру үшін арнайы веб-ресурстарды пайдалануға болады. Сертификаттау органдарының ресми веб-сайттарында EAC белгісінің жанында көрсетілуі тиіс бірегей нөмірді пайдалана отырып, сәйкестік сертификаттарын тексеру қызметі жиі қарастырылған.
- Белгінің өз сапасына назар аудару қажет: ол жоғары, бұлыңғыр және бұрмаланбаған болуы керек. Белгінің барлық қажетті элементтерінің, соның ішінде әріптер мен белгілердің дұрыс орналасуын тексеру маңызды.
Кеңес беру сипатындағы бұл ақпарат жарнама болып табылмайды. Зерттеу нәтижелері туралы барлық ақпарат "Маңғыстау облыстық тұтынушылардың құқықтарын қорғау қоғамы" қоғамдық бірлестігінің келісімімен таратылады.
Осыған ұқсас сұрақтар бойынша 87054222739 байланыс нөміріне немесе Instagram-дағы OZPP.KZ парақшасына хабарласуға болады.
