Қаңтардағы шеруге студенттер қатысты ма – министрлік жауабы

Елде болған жаппай тәртіпсіздіктерге студенттер қатысты ма деген сұраққа ҚР Білім және ғылым министрлігі жоғары және жоғары оқу орнынан кейінгі білім департаментінің директоры Әділет Тойбаев жауап берді, деп хабарлайды Zakon.kz

Студенттердің жаппай тәртіпсіздіктерге қатысқаны туралы ресми дерек жоқ. Каникул кезі болғандықтан, студенттердің көбі жатақханада болмаған. Сондықтан олардың қатысқаны немесе қатыспағаны туралы бізде нақты ақпарат жоқ. ҚР Білім және ғылым министрлігі жоғары және жоғары оқу орнынан кейінгі білім департаментінің директоры Әділет Тойбаев

Ол тәртіпсіздік кезінде жатақханаларда 5 мыңға жуық студент тұрғанын, олардың дені шетел студенттері екенін айтты.

Айта кетейік, Алматыда жаппай тәртіпсіздік пен терактілер кезінде 149 адам қаза тапты.