Назарбаев зияткерлік мектептеріне құжат қабылдау мерзімі ұзартылды

Назарбаев зияткерлік мектебі, құжат қабылдау, сурет - Zakon.kz жаңалық 10.02.2022 12:00

Сурет: Назарбаев зияткерлік мектебінің баспасөз қызметі

Назарбаев зияткерлік мектептеріне құжат қабылдау мерзімі 2022 жылғы 26 ақпанға дейін ұзартылды, деп хабарлайды Zakon.kz

«Назарбаев Зияткерлік мектептері» дербес білім беру ұйымы 2022 – 2023 оқу жылында Назарбаев Зияткерлік мектептерінің 7-сыныптарында білім алу үшін үміткерлерге Қазақстан Республикасы Тұңғыш Президенті – Елбасының «Өркен» білім беру грантын тағайындауға конкурсқа қатысу үшін құжат қабылдау мерзімінің 2022 жылғы 26 ақпанға дейін ұзартылғанын хабарлайды.«Назарбаев Зияткерлік мектептері» дербес білім беру ұйымының баспасөз қызметі

Конкурс өткізу мерзіміне өзгеріс енгізілмейді, конкурс 2022 жылғы 14, 15 сәуір күндері өткізіледі.

Құжат қабылдау орындары мен конкурстың өту шарттары туралы толық ақпаратты www.nis.edu.kz веб-сайтындағы «Үміткерлерге» – «Конкурс жөнінде хабарлама» бөлімінен алуға болады.

Оқи отырыңыз