Білім министрі: 4 ЖОО мен 29 колледж жабылу сатысында

Сурет: Zakon.kz

Үкімет отырысында ҚР Білім және ғылым министрі Асхат Аймағамбетов Қазақстанда қазірдің өзінде қанша жоғары оқу орны мен колледждің жабылғанын және қаншасы жабылу сатысында тұрғанын айтты, деп хабарлайды Zakon.kz.

Президент шетелдік университеттердің кемінде бес филиалын ашуды тапсырды. Елде Де Монфорт университетінің (Лестер) филиалы жұмыс істейді, ол британдық диплом береді. Қозыбаев атындағы Солтүстік Қазақстан университетінің базасында Аризона университетінің филиалы да құрылады. Сонымен қатар Атырау мен Алматыда жетекші шетелдік техникалық университеттер ашылады. Қазір біз келіссөздер жүргізіп жатырмыз.Білім және ғылым министрі Асхат Аймағамбетов

Оның айтуынша, кадрларды сапалы дайындау үшін бақылау екі бағытта жүргізіледі. Біріншісі – лицензиядан айыру немесе сапасы төмен университет немесе колледжді жабу. Екіншісі – университет немесе колледж профилін анықтау, лицензияға негізделмеген және келмейтін өтініштерді қайтару.

Қазір 15 жоғары оқу орны мен 31 колледж жабылды. Тағы 4 университет пен 29 колледж жабылу сатысында. Лицензия алуға 61 жоғары оқу орнынан 500 өтініш және 375 колледжден 2200 өтініш қайтарылды. Мұғалім даярлайтын университеттер саны 86-дан 50-ге дейін азайды. Сапалы білім болмағанын көріп отырмыз. Сондықтан сапалы білім беретіндер ғана жұмыс істейді. Заңгерлерді дайындайтын жоғары оқу орындарының саны 72-ден 61-ге қысқарды.Білім министрі

Асхат Аймағамбетов бұл бағыттағы жұмыс жалғасатынын жеткізді.

Мысалы, «IT» және «Туризм» мамандықтары бойынша экономиканың нақты секторынан практиктерді тарту үшін біліктілік талаптарына өзгерістер енгізілді. Профессорлар ғана емес, сонымен қатар практиктер, мысалы, бағдарламашылар да сабақ беруі керек. Олардың оқу орындарына келіп, тәжірибе алмасуы маңызды. Лицензиялау да бес жыл мерзімге енгізілді. Бұл норманы Мәжіліс пен Сенат қолдады.Асхат Аймағамбетов

Айта кетейік, Білім және ғылым министрі биыл қандай мамандықтарға қанша грант бөлінетінін айтты. Оның ішінде енді гранттар колледжге емес, студенттің өзіне бөлінеді. Демек белгілі бір студент грант ұтып алады және ол белгілі бір колледжді таңдайды. Қаржы олар таңдаған колледжге түседі.

Оқи отырыңыз