«Қазақстан халқына» қоры гранттар мен шәкіртақы тағайындауға конкурс жариялады

23 тамызға дейін өтініш беруге болады. Грант иегерлерінің тізімі 25 тамызда жарияланады, деп хабарлайды Zakon.kz.

Бұл бағдарлама бойынша кімдер конкурсқа қатыса алады?

• Биыл ҰБТ тапсырған (қаңтар, наурыз, негізгі және тамыз ҰБТ сертификаттарының бірін ұсынуға болады) және ЖОО-ға түсу үшін шекті балды жинаған түлектер:

• ауылдық жерлердегі жағдайы төмен отбасылардан шыққан тұлғалар;

• жетім бала санатына жататын және кәмелет жасқа дейін ата-анасының қамқорынсыз қалған тұлғалар;

• мүмкіндігі шектеулі, соның ішінде мүгедектігі бар тұлғалар.

• ЖОО-ның ақылы бөлімінде білім алатын студенттер мүмкіндіктері шектеулі, соның ішінде мүгедектігі бар студенттер;

• жетім бала санатына жататын және кәмелеттік жасқа дейін ата-анасының қамқорынсыз қалған студенттер;

• ауылдық жерлердегі жағдайы төмен отбасылардан шыққан студенттер;

• толық емес отбасыдан 1-2-топтағы мүгедек балаларды тәрбилеп жүрген отбасыдан шыққан студенттер;

• ата-аналары/ата-анасының бірі 1-2-топ мүгедегі болып табылатын студенттер.

Өтініш беру мерзімі 23 тамызға дейін өтеді. Грант иегерлерінің тізімі 25 тамызда жарияланады. Мүмкіндікті өткізіп алмаңыздар! Грант иегері оқуын аяқтағаннан кейін оны өтеуге міндетті емес, - деп хабарлады Ғылым және жоғары білім министрлігі.

Толық ақпарат www.qazaqstanhalqyna.kz сайтында