Қостанай облысында ​тарих пәнінің мұғалімі оқушыларымен бірігіп туристік бағыттар құрады

Туған жердің тарихы көз алдымызда өзгеріп келе жатқандай. Қостанай облысының оқушылары ел тарихы мен туған өлкеге деген сүйіспеншілікті оятып жүрген жас ұстаз Дамир Сұлтанов туралы осылай дейді. Ұстаз бос уақытында шәкірттерімен бірге туристік маршруттар жасайды, деп хабарлайды Zakon.kz.

"Меңдіқараның жас зерттеушілері" өлкетану үйірмесі аясында жас ұстаз бос уақытында шәкірттеріне Меңдіқара ауданының қарағайлы ормандар қорығына тегін экскурсиялар өткізіп, кейін олармен бірге туристік маршруттар құрады.

"Дамир Мыңайдарұлы күнделікті сабақтағы жаңа тақырып болсын немесе бірнеше жыл бойы айналысып жүрген ғылыми жұмыс болсын, барлық білімді шебер жеткізе біледі. Сабақтарымыздың арқасында өңірімізге келген қонақтарға тарихта із қалдырған барлық маңызды оқиға туралы айтып, экскурсиялар жүргіземіз", – дейді 11-сынып оқушысы Даниил Чебец.