Астанадағы екінші ауысымдағы мектеп оқушылары да қашықтан оқуға көшті

9 қаңтарда ауа райының қолайсыздығына байланысты астаналық мектеп оқушылары мен екінші ауысымдағы колледж студенттері қашықтықтан оқыту форматына көшірілді, деп хабарлайды Zakon.kz.

Бұл туралы Астана қаласының Білім басқармасынан хабарлады.

"2023 жылдың 9 қаңтарында ауа райының нашарлауына байланысты 0-11-(12)сынып оқушылары мен екінші ауысымдағы колледждердің 1-2 курс студенттері қашықтан оқыту форматына көшіп жатыр", - делінген хабарламада.

Дүйсенбі күні бірінші ауысымда оқитын астаналық студенттер қашықтан оқитыны осыған дейін хабарланған еді. Кейіннен Қостанай мен Семейде оқушылар қашықтан оқуға көшірілгені туралы айтылды.

9 қаңтарда Астанада және еліміздің 13 облысында дауылды ескерту жарияланды.