Жаңалықтар тізбегі
0

Қазақстанда ресейлік ЖОО, Ресейде қазақстандық ЖОО филиалдарын ашу туралы заң жобасы әзірленді

Қазақстан, Ресей, ЖОО, Ғылым және жоғары білім министрлігі Сурет: akorda.kz
ҚР Үкіметі мен РФ үкіметі арасындағы Ресейде Қазақстанның жоғары оқу орындарының филиалдарын және Қазақстанда Ресейдің жоғары білім беретін білім беру ұйымдарының филиалдарын құру туралы Қазақстан Республикасы Заңының жобасы әзірленді, деп хабарлайды Zakon.kz.

Келісімде Ресей Федерациясында Қазақстан Республикасының жоғары және жоғары оқу орнынан кейінгі білім беру ұйымдарының филиалдарын және Қазақстан Республикасында Ресей Федерациясының жоғары білім беру ұйымдарының филиалдарын құру және олардың жұмыс істеуі көзделеді. 

Бұл Келісімді іске асыру шеңберінде ресейлік жоғары және жоғары оқу орнынан кейінгі білім беру ұйымдарының филиалдарын ашу кезінде қазақстандық лицензия алу іске асырылады.

Филиалдарда оқыту білім беру бағдарламалары шеңберінде филиалдардың орналасқан елінің тарихы мен қазақ тілін міндетті түрде зерделей отырып, екі елдің мемлекеттік тілдерінде жүргізілуі мүмкін.

Құжатта Қазақстан филиалында жоғары және жоғары оқу орнынан кейінгі білімнің білім беру бағдарламаларын меңгеруді аяқтаған және қорытынды аттестаттаудан ойдағыдай өткен білім алушыларға Қазақстан Республикасының заңнамасына сәйкес белгіленген үлгідегі білім туралы құжаттар берілетіні жазылған.

Ал Ресей филиалында жоғары білімнің білім беру бағдарламаларын меңгерген және қорытынды аттестаттаудан ойдағыдай өткен білім алушыларға Ресей Федерациясының заңнамасына сәйкес белгіленген үлгідегі білім және  біліктілік туралы құжаттар беріледі.

Білім туралы құжаттарды тану Тараптардың мемлекеттері қатысушылар болып табылатын халықаралық шарттарға және Тараптар мемлекеттерінің заңнамасына сәйкес іске асырылады.

Филиалдарда оқуға қабылдау Тараптар мемлекеттерінің заңнамасына сәйкес іске асырылады.

Осы Келісім бес жыл бойы қолданыста болады және егер Тараптардың бірде-біреуі кезекті кезең аяқталғанға дейін бір жылдан кешіктірмей дипломатиялық арналар арқылы екінші Тарапқа оның қолданысын тоқтату ниеті туралы жазбаша хабарлама жібермесе, келесі бесжылдық мерзімдерге автоматты түрде ұзартылады.

Құжат 24 наурызға дейін талқылау үшін Ашық НҚА сайтында жарияланды.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: