Алматыда қара түтін: Экология департаменті жағдайға қатысты түсініктеме берді

Алматыда қара түтін, сурет - Zakon.kz жаңалық 28.12.2022 15:12

Сурет: Facebook/Павел Александров

Бұған дейін алматылықтар шаһарды қалың түтін басып жатқанын айтып шағымданған еді. Экология департаменті ауа райы қолайсыз болса, Қазгидромет дереу ресми хатпен хабардар ететінін атап өтті. Алайда әзірше хат түскен жоқ, деп хабарлайды Zakon.kz.

Алматының Экология департаменті "Қазгидромет" РМК ұсынған мәліметтер бойынша қаладағы ауаның жай-күйіне күнделікті мониторинг жүргізеді.

"Өз кезегінде "Қазгидромет" РМК ластануды бақылау бекеттері арқылы атмосфералық ауаға талдау жасайды. Алматыда осындай 16 бекет бар. Сонымен қатар "Қазгидромет" РМК ҰМУ қолайсыз метеорологиялық жағдай болжанса, дереу департаментке ресми хат жібереді. Ресми хат түссе, Экология департаментінің қызметкерлері рейд жүргізеді. Пост маңында ластаушы заттардың көлемін өлшейді. Қазір басқармаға "Қазгидрометтен" ешқандай ақпарат келмегенін хабарлаймыз".Алматы қаласы Экология департаменті

Министрліктің мәліметінше, қазір "Қазгидромет" РМК Airkz ресми өтініші арқылы №1 ПНЗ (Бостандық ауданы), №26 ПНЗ (Тастақ ықшам ауданы), ПНЗ №3 (Алатау ауданы) бекеттерінде көмірқышқыл газының артық мөлшері байқалып жатыр.

"Алматыдағы ауаны негізінен ластайтын автокөлік, энергетика және газдандырылмаған жеке сектор екенін ескеру қажет. Алматы қаласы бойынша 2022 жылғы 14 қыркүйектегі бекітілген жол картасына сәйкес ластаушы заттардың шығарындыларын айтарлықтай төмендететін бірқатар қажет жұмыс жүргізіліп келеді"Алматы қаласы Экология департаменті

Басқарма жол картасына сәйкес Алматының 2-ЖЭО және 3-ЖЭО-ны жаңғырту, Алматы мен қалаға іргелес жатқан жеке секторды газдандыру, метро салу арқылы көліктерден шығатын зиянды заттардың шығарылуын азайту, дизельдік отынмен жұмыс істейтін көліктерді сатып алуды шектеу жоспарланып отырғанын түсіндірді. Экологиялық аймақтарды құру, экологиялық бекеттер мен зертханаларды іске қосу және бекіту де қарастырылып жатыр.

"Экология департаменті газдандырылған аумақтарда қатты отынды пайдалануға тыйым салатын ҚР Экологиялық кодексінің 206-бабына сәйкес арнайы экологиялық ережелерді әзірлеу туралы әкімдік пен мәслихатқа бірнеше рет хат жолдады. Осыған қарамастан, қаланың барлық жерінде монша мен үйді жылыту үшін отын, көмір, каучук және тағы басқа жағады".Алматы қаласы Экология департаменті

Сөз соңында ведомство өкілдері түтінге желдің болмауы мен оңтүстік астананың орналасуының өзі әсер ететінін қосты.

Оқи отырыңыз