Ұлттық банк базалық мөлшерлемені 13,5 пайызға дейін көтерді

ҚР Ұлттық банкі базалық мөлшерлемені 13,5%-ға дейін көтерді, деп хабарлайды Zakon.kz

Қазақстан Республикасы Ұлттық Банкінің Ақша-кредит саясаты жөніндегі комитеті базалық мөлшерлемені +/-1,00 п.т. пайыздық дәлізімен 13,5% деңгейінде белгілеу туралы кезектен тыс шешім қабылдады.

Шешім 2022 жылғы 24 ақпанда күшіне енеді.

Баспасөз хабарламасы сағат 13:00-де жарияланады.

Бұған дейін Қазақстан қор биржасы (KASE) 11:30-дағы жағдай бойынша доллардың орташа сараланған бағамы бірден 15,3 теңгеге көтеріліп, 452,49 теңгені құрағанын хабарлаған болатын.