Мұнайдың бір баррелінің құны 117 долларға жетті

Мұнайдың әлемдік бағасы 23 наурыздағы сауда-саттық барысында алдыңғы сессия қорытындысы бойынша біршама төмендеуден соң қайта бас көтеріп, өсе бастады, деп хабарлайды Zakon.kz.

Мәселен, Лондондағы ICE Futures биржасында Brent маркалы мұнайдың мамыр айындағы фьючерстері бойынша бір баррельдің құны 116,7 долларды құрады, бұл алдыңғы сессияның жабылу кезінде тіркелген бағадан 1,06% жоғары.

Нью-Йорк тауар биржасында (NYMEX) мамыр айындағы фьючерстері бойынша бір баррельдің құны 110,38 доллар болды, бұл алдыңғы сессияның қорытынды мәнінен 1,02% - ға жоғары.