Қазақстанда теңгедегі депозиттерге ұсынылатын ең жоғары мөлшерлемелер бекітілді

Қазақстанның депозиттерге кепілдік беру қоры 2022 жылдың желтоқсан айына теңгедегі депозиттер бойынша ұсынылатын ең жоғары мөлшерлемелерді бекітті, деп хабарлайды Zakon.kz.

Атап өтсек, 12 және 24 айлық жинақ салымдары бойынша ең жоғары сыйақы мөлшерлемесі көтерілді. Ал мерзімді депозиттер бойынша мөлшерлеме қарашадағы мәндер деңгейінде сақталды.

Осылайша, жинақ салымдары бойынша мөлшерлемелер 12 айға 16,1%-ға, 24 айға – 13,5%-ға дейін (толықтырылмайтын депозиттер бойынша) ұлғайтылды.

Мәндері Ұлттық банктің базалық мөлшерлемесіне байланысты депозиттер бойынша ұсынылған мөлшерлемелер өзгеріссіз қалды.