"Көзбояушылық, оған сенім жоқ". Қазақстанда статистика амнистиясын жүргізу ұсынылды
Сурет: pixabay
Юлия Энгель өздерінің бюджетаралық қатынастардың тиімділігін тежейтін негізгі мәселелерді айқындағандарын жеткізді.
"Ең бастысы - статистика амнистиясы керек. Бұл шығындарды жоспарлауда сүйенетін іргетас емес, керісінше миналанған далада жүрген секілдісіз, қай деректер жарамды, қайсысы қаншаға жоғарылатып көрсетілген немесе төмендетілгенін білмейсіз. Тек нақты картинаны сипаттайтын жағдайда ғана мәселені қабылдауға және оны еңсерудің тиімді құралдарын жасауға болады". Юлия Энгель
Сондай-ақ ол өңірлердің орталықтан қаржылық қолдауына аса тәуелді екенін атап өтті. Оның деректері бойынша, қазіргі уақытта республикалық бюджеттен берілетін субвенциялар мен нысаналы трансферттердің үлесі жергілікті бюджеттердің кірістерінде шамамен 60%-ын құрайды.
Оның айтуынша, жалпы сипаттағы трансферттер шығыстарын жоспарлау ешнәрсеге негізделмеген. Олардың кейбіреулерін республикалық бюджет комиссиясы қабылдаған, бірақ ешқандай ғылыми негіздемесіз.
"Статистика көзбояушылық, оған сенім жоқ, өңірлердің нақты проблемалары және олардың өзектілігі орталықта бюджетті жоспарлау кезінде жиі ескеріле бермейді. Демек, орталық мемлекеттік органдар жергілікті аумақтан тысқары жатқан өз алдына бір бөлек әлем деген шындыққа сай сын". Юлия Энгель
Сондай-ақ ол жалпы сипаттағы трансферттерді есептеу функцияларын автоматтандыруды ұсынды. Бұл – бастапқы деректерді, көрсеткіштер мен коэффициенттерді пайдалануға әсер ететін «адам факторын» азайтуға мүмкіндік беретін болады.
