Qazaq Air және Air Astana әуе компаниялары жекешелендіруге жатқызылмақ
Сурет: Zakon.kz/Максим Золотухин
Ол бүгінгі таңда бұл салада бірқатар проблемалар бар екенін атап өтті, олардың бірі - мемлекеттің қатысуындағы үлкен үлес.
Азаматтық авиация нарығында үш авиакомпания жұмыс істейді:
- үлесі 70%-ден асатын AirAstana және Fly Arystan;
- QazaqAir-дың үлесі 6%;
- сондай-ақ нарықта 24% үлесі бар "SCAT" әуе компаниясы" АҚ.
"Осылайша, бұл нарық бәсекелестік жеткіліксіз дамыған нарықтың жоғары шоғырланған түріне жатады. Мемлекеттің қатысуымен авиакомпаниялардың болуы нарық субъектілері арасындағы бәсекелестіктің, шетелдік авиатасымалдаушылар мен инвесторлардың қызығушылығының төмендеуіне әкеледі. Бұл факторлар жалпы бәсекелестікке теріс әсер етеді", - деп түсіндірді Орталық коммуникациялар қызметіндегі баспасөз конференциясында Ахметов.
Оның айтуынша, авиабилеттер құнының құрылымында отын шығыстары шығындардың негізгі үлесін алады. Бұл ретте, бүгінгі таңда Астана қаласының әуежайында ғана бірнеше авиаотын жеткізушілер бар ("ҚазМұнайГаз-Аэро" АҚ, "Тарлан Аэро" ЖШС). Қазақстанның басқа әуежайларында авиаотынды сатуды тек әуежайлар жүзеге асырады. Осылайша, авиакеросиннің бөлшек сатушыларының әуежай инфрақұрылымына қолжетімділігінің шектелуі байқалады.
Осыған байланысты агенттік Индустрия және инфрақұрылымдық даму министрлігімен бірлесіп Азаматтық авиация нарығындағы бәсекелестікті дамыту жөніндегі Жол картасын қабылдады, оның ішінде авиабилеттер құнын төмендетуге бағытталған шара да бар. Онда қамтылған шаралар төмендегідей:
- "QazaqAir" АҚ, "AirAstana" АҚ компаниясының мемлекетт қарамағындағы пакет акциясын сату;
- жекешелендіру сәтіне дейін «Fly Аrystan» нарығының жеке субъектісі ретінде бөлу;
- ИИДМ-нің тиісті құқықтық актісін қабылдай отырып, "ашық аспан" режимінің қолданылу мерзімін 2028 жылға дейін ұлғайту, сондай-ақ Халықаралық Азаматтық авиация ұйымына мүше мемлекеттердің барлық шетелдік авиакомпанияларына әуежайлардың техникалық мүмкіндіктерін ескере отырып, жиіліктерді шектемей әуежайларға жолаушылар ұшуын орындау құқығын бере отырып, Қазақстанның барлық 13 халықаралық әуежайы үшін осы режимді қамтамасыз ету;
- әуежайлардың жанармай құю кешендеріне авиаотынды бөлшек сатушылардың кемсітусіз қол жеткізуін бекіту, сондай-ақ республика әуежайларында баламалы отын құю кешендерін салу жөніндегі мәселелерді пысықтау.
Жекешелендіру тізімінен қандай нысандар алынып тасталғаны бұрын хабарланған болатын.
