Қазақстанда жылдық инфляция 14 пайызға жетті

Сурет: Zakon.kz

Ұлттық статистика бюросының мәліметінше, 2023 жылғы шілдедегі жылдық инфляция деңгейі 14 пайыз болды. Азық-түлік тауарлары 13,5%-ға, азық-түлік емес тауарлар 15%-ға, ақылы қызметтер 13,6%-ға өсті, деп хабарлайды Zakon.kz.

2022 жылғы шілдемен салыстырғанда:

кеңсе тауарлары 64,4%;
күріш – 44,3%;
қантсыз қоюландырылған сүт – 42,4%;
күндізгі стационарлық емдеу – 40,8%;
ыдыс жууға арналған құралдар – 37,4%;
кір сабын – 35,9%;
қырыққабат – 27,5%;
тосап, джем 25,9% қымбаттады.

Керісінше, жылдық мәнде:

құмшекер – 17,4%;
қарақұмық жармасы – 10,5%;
күнбағыс майы – 4,7%;
қызылша – 6,1%;
сәбіз – 3,4%, картоп 1,3% арзандады.

Шілдеде бағаның өсуі дыбыс-бейне шолу (теледидиар, ноутбук, фотоаппарат және т.б.) жабдығына – 9,6%, тұрмыстық құралдарға – 1,2%, ыдысаяққа – 1,1%, спорт, туризм және демалуға арналған жабдықтарға – 0,9%, тоқыма бұйымдарына, жеке қолданатын тауарларға 0,8%-дан байқалды. Маусым айымен салыстырғанда баға баллондағы сұйытылған газға – 6,2%, АИ-95/96 маркалы бензинге – 4,5%, АИ-98 бензинге 3,6% өсті.

Өңірлер арасында ең жоғары айлық инфляция Ұлытау облысында – 1% (республикалық орташа деңгейден 0,4 п.т. жоғары), ең төменгі – Алматы облысында тіркелді – 0,1%.

Оқи отырыңыз