Мұнай бағасы рекордтық көрсеткішке жетті

Brent маркалы мұнайдың бір баррелінің бағасы төрт айда алғаш рет 87 доллардан асты, деп хабарлайды Zakon.kz.

Лондондағы ICE биржасындағы сауда-саттық мәліметтеріне сәйкес, қазан айындағы фьючерстердің бір баррельге белгіленген құны күндіз 1,2 пайызға көтеріліп, 87,17 долларға жетті.

Нью-Йорк тауар биржасында WTI америкалық мұнайының қыркүйек айындағы келісімшарттарында бір баррель 84,11 доллар деп көрсетіліп, 1,4 пайызға қымбаттады.

Бұған дейін сарапшылар мұнай бағасының өсу себептерін түсіндірген болатын. Олардың пікірінше, АҚШ-тағы "қара алтын" қорының азаюы туралы мәліметтер бағаға әсер еткен.