Қытайдың әуе компаниясы Қазақстанға әуе рейстерін ашты

Әуе рейстері, Қытай-Қазақстан, сурет - Zakon.kz жаңалық 07.09.2023 19:34

Сурет: freepik

Қытайлық "Loong Airlines" әуе компаниясы Қазақстанға әуе рейстерін ашты, деп хабарлайды Zakon.kz.

Қытайлық әуекомпания алғашқы әуе рейсін орындап та үлгерді.

"Қазақстан Республикасы мен Қытай Халық Республикасы авиациялық биліктерінің бірлескен жұмысының арқасында 2023 жылғы 7 қыркүйекте қытайлық "Loong Airlines" әуекомпаниясы Ханчжоу – Алматы бағыты бойынша алғашқы жолаушылар рейсін орындады. Рейстер "А321" үлгісіндегі әуе кемелерінде аптасына 3 рет (сейсенбі, бейсенбі және сенбі күндері) жиілікпен орындалатын болады", делінген Азаматтық авиация комитеті хабарламасында.

Жаңа әуе тасымалдаушының Қазақстан Республикасының әуе тасымалы нарығына кіруі, сондай-ақ жаңа әуе бағыттың ашылуы елдер арасындағы сауда-экономикалық, туристік және мәдени ынтымақтастықты одан әрі дамытуға ықпал ететін болады.

Оқи отырыңыз