Сауда министрі: Қазақстанда қант бағасының өсуіне алғышарт жоқ
Сурет: Zakon.kz
Қыркүйектің 27-сі күні өткен брифингте ҚР Сауда және интеграция министрі Арман Шаққалиев қант тапшылығы мен бағасы жөнінде пікір білдірді, деп хабарлайды Zakon.kz тілшісі.
Министр қазір қант бағасы төмендеп жатқанын атап өтті.
"Қант бағасының 11%-ға төмендегенін көріп отырмыз. Бүгінде оның өсуіне ешқандай алғышарт жоқ. Қант тапшылығы болмайды. Әрине, былтыр сондай жағдайға тап болып, жағымсыз тәжірибе болды", – деді Арман Шаққалиев.
Министр өткен жылғы тапшылыққа байланысты Қазақстанда қант зауыттарын несиелендіру және қаржы бөлу арқылы қолдау бағдарламасы қабылданғанын айтты.
"Бүгінгі таңда төрт зауыт 70 мың тоннаға жуық қант өндірді. Біз Ресей Федерациясынан қант әкелінетінін көріп отырмыз, сондықтан жалпы нарықтағы жағдай қалыпты, тапшылық жоқ. Тіпті жекелеген өңірлерде де қант артығымен жеткізілгеніне куә болып отырмыз". Арман Шаққалиев
Өткен жылы Қазақстанда қант бағасы рекордтық деңгейге көтерілді. 2022 жылдың қаңтар-тамыз аралығында бұл өнімнің бағасы 86,6%-ға өсті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
