Атырауда су тасқыны кезінде бір сауда желісі азық-түлік бағасын негізсіз көтеріп жіберген

Атырау облысы бойынша Сауда және тұтынушылардың құқығын қорғау департаменті әлеуметтік маңызы бар азық-түлік тауарларының бағасын көтергені үшін, кәсіпкерлерді әкімшілік жауапкершілікке тартты, деп хабарлайды Zakon.kz.

Атырау облысының төтенше жағдай жөніндегі жедел штабының мәліметінше, 2 сәуір мен 8 сәуір аралығында бір сауда желісі мен бір бөлшек сауда субъектісі әкімшілік құқық бұзушылық туралы Кодекстің 204-4-бабының 1 тармағына сәйкес, жауапқа тартылды.

"Әлеуметтік маңызы бар азық-түлік тауарларының бағасы алда да бақылауда болады. Бағаны негізсіз көтергендер жауапкершілікке тартылады", - деді Атырау облысы бойынша сауда және тұтынушылардың құқығын қорғау департаменті басшысы Әлем Уалиев.

Айта кетсек, 9 сәуірде Димаш Құдайберген Ақтөбедегі волонтерлар штабында болды. "Кішкентай кезімнен мені қолдап, биік белестерді бағындыруға тілектестік білдірген жерлестеріме келмей тұра алмадым", - деді әнші.