Армения премьер-министрі Никол Пашинян Астанаға келіп жетті

Армения Республикасының премьер-министрі Никол Пашинян ресми сапармен Астана қаласына келді, деп хабарлайды Zakon.kz.

Бағдарлама аясында 21 қараша күні екіжақты ынтымақтастықтың өзекті мәселелері бойынша бірқатар кездесу жоспарланған.

Сурет: primeminister.kz

Бұған дейін Қазақстан президенті Қасым-Жомарт Тоқаевтың шақыруымен Армения премьер-министрі Никол Пашинян 20-21 қарашада Астанаға ресми сапармен келетіні хабарланған болатын. Бұл сапар барысында екі ел делегациялары келіссөздер жүргізеді, оның барысында Қазақстан мен Арменияның өзара тиімді ынтымақтастығын нығайту перспективалары талқыланады.