Елімізде астықтың жаңа сұрпы патенттелді

Ауыл шаруашылығы министрлігінің мәліметінше, жаңа сұрып мемлекеттік тексерістен сәтті өтіп, патент алды, енді басым тұқымдар түрінде таратылатын болады.

Ақмолалық селекционерлер "Таймасты" соңғы 15 жыл бойы зерттеген.

Астық орталығының мамандары жаңа сұрып құрғақшылыққа және қоңыр тотқа төзімді екенін айтты.

"Бидайдың тот басқан аурулары, әсіресе елдің солтүстік аймақтарында өнімділіктің төмендеуінің басты себептерінің бірі болып саналады. Астық сапасының технологиялық көрсеткіштері бойынша, "Таймастың" құрамында шикі клейковинаның мөлшері 32,3-34,5%, ақуыз 15,1-15,7% болатын күшті бидайға жатады". Ауыл шаруашылығы министрлігінің баспасөз қызметі

Зерттеу жылдарында жаңа сұрып өзін жоғары өнімді ретінде көрсетті, максималды көрсеткіші гектарына 38,5 ц/га құрады. Тіпті, 2018 жылы, өсімдік ауруларының өршуі болған  қиын кезде, ол басқа сорттардан 8 ц/га асып түсті. 

"Таймас" Солтүстік Қазақстан жағдайында өсіру үшін өте қолайлы, –   дейді мамандар. 

"Таймас" Қазақстанның селекциялық жетістіктерінің мемлекеттік тізіліміне енгізілген.

Қазіргі уақытта тұқымның элиталық түрін көбейту жұмыстарына дайындық жүргізіліп жатыр.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023