Қазақ ұлттық университетінде Қытайдың Солтүстік-Батыс политехникалық университетінің филиалы ашылады
Сурет: kaznu.kz
Мемлекет басшысы Қасым-Жомарт Тоқаевтың Қытайға мемлекеттік сапары аясында ҚазҰУ-да Сиань қаласындағы Солтүстік-Батыс политехникалық университетінің филиалын ашу жөнінде келісімге қол қойылды. Бұл жөнінде ҚР Ғылым және жоғары білім министрлігі мәлім етті, деп хабарлайды Zakon.kz.
Министрліктің хабарлауынша, екі ел басшыларының қатысуымен өткен кездесуде Әл-Фараби атындағы Қазақ ұлттық университетінің басқарма төрағасы – ректоры Жансейіт Түймебаев пен ҚХР Қазақстандағы төтенше және өкілетті елшісі Чжан Сяо ынтымақтастық орнату және филиал ашу туралы келісімге қол қойды.
"Филиал ашудағы мақсат – ғылыми бағытта бірлесіп зерттеу жұмыстарын жүргізу, студент даярлау және оқытушылар алмасу. Солтүстік-Батыс политехникалық университеті Сиань қаласында орналасқан. 36 мыңнан астам студент білім алатын жоғары оқу орнында аэронавтика, астронавтика және теңіз техникасы бойынша білім беру және зерттеу бағдарламалары бар".ҚР Ғылым және жоғары білім министрлігінің баспасөз қызметі
ҚазҰУ-да ашылатын филиалда Қазақстан мен Орталық Азиядан келген студенттер білім алады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
