Қазақстанда ақбөкен "Қызыл кітапқа" енбеген – Зоология институты

ҚР Білім және ғылым министрлігі Зоология институтының биоценология және аң шаруашылығы зертханасының меңгерушісі Константин Плахов Қазақстан аумағында 1917-18 жылдары және 1927-28 жылдары киіктердің ірі эпизоотиялары тіркелгенін айтты, деп хабарлайды Zakon.kz.

Оның айтуынша, осы ғасырда да бұл бірегей жануарлардың жаппай қырылуы байқалды. 2003 жылы ақбөкендердің саны 20 мың дараға дейін қысқарды.

"Қазақстанда ақбөкен популяциясын сақтау үшін бұрын-соңды болмаған шаралар қолданылды. Көбіне оның популяциясын тез қалпына келтіру және көбейту мүмкіндігінің арқасында ақбөкен Қазақстанның "Қызыл кітабына" енген жоқ", - деді ол Орталық коммуникациялар қызметінің брифингінде.

Бұған дейін Қазақстанда киіктерді атуға мораторийді ұзартуды жоспарламайтыны белгілі болды.