Жаңалықтар тізбегі
0

Президент: Мұғалімдердің қоғамдағы орны ерекше болуға тиіс

Ұстаз мәртебесі, "Қазақастанның еңбек ері" атағы, мұғалім, білім Сурет: akorda.kz
Президент Республика күніне орай мемлекеттік наградалар мен сыйлықтар тапсыруға арналған салтанатты рәсімде еңбек адамдарының, соның ішінде ұстаздар қауымының қоғамда алар орнына тоқталып, оларға барлық жерде құрмет көрсетілуі керек екенін айтты, деп хабарлайды Zakon.kz.

Мемлекет басшысы биыл Жолдауды жариялаған кезде Парламентке еңбек адамдарын арнайы шақырғанын атап өтті. Олардың қатарында ұстаздар да болған еді.

"Қазір – білімнің дәуірі. Білімі озық жұрт даму көшінің алдына шығады. Бұл заманда білімпаздық ең басты қасиеттің біріне айналуға тиіс. Сондықтан, білім саласын дамытуға баса мән береміз. Мұғалімнің мәртебесін көтеріп, жағдайын жақсарту өте маңызды. Астанада өткен Ұстаздар съезінде бұл мәселеге арнайы тоқталдым. Өйткені ұстаздар қауымы ұлттың жаңа сапасын қалыптастырады".Қасым-Жомарт Тоқаев

"Мұғалім болып, ұрпақ тәрбиелеу – қасиетті миссия" деген президент елімізде мыңдаған адам осы міндетін адал атқарып жүргенін тілге тиек етті.

"Олар күнделікті еңбегімен Қазақстанды дамытуға зор үлес қосуда. Сол себепті мұғалімдердің қоғамдағы орны ерекше болуға тиіс. Ұстазға барлық жерде құрмет көрсетілуі керек", – деді президент.

Ол бірнеше жыл бұрын "Қазақстанның еңбек сіңірген ұстазы" атағы белгіленгенін еске салып өтті.

Жақында бір топ педагогті өзім арнайы марапаттадым. Бүгін де осы игі үрдіс жалғасын таппақ. Семей қаласындағы №7 мектеп-лицейдің математика пәні мұғалімі Алма Шүкежанова елу жыл бойы ұрпаққа білім мен тәрбиені қатар беріп келеді. Бүгін Алма Сайдахметқызын "Қазақстанның Еңбек Ері" атағымен марапаттау туралы шешім қабылдадым.Қасым-Жомарт Тоқаев

Сондай-ақ бүгін басқа да бірқатар мұғалім жоғары мемлекеттік марапатқа ие болды. Осы арқылы президентбарша ұстаздар қауымына ерекше ілтипатын білдірді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: