Доллар бағамы тағы көтерілді

Қазақстан қор биржасында (KASE) 11:00-де доллардың орташа сараланған бағамы 0,33 теңгеге көтеріліп, 510,25 теңгеге жетті, деп хабарлайды Zakon.kz.

Ресей рублімен, еуромен сауда болған жоқ. Ұлттық банк рубль бағамын 4,29 теңге, еуроны 562,87 теңге деп бекітті. Ал кешегі саудада қытай юанінің бағамы 80,61 теңге болды.

Ақша айырбастау орындарында доллар 514-519 теңгеге, еуро 597-604 теңгеге, рубль – 4,1-5,3 теңгеге сатып алынып/сатылып жатыр.

Ал 11 наурыздағы сауда барысында әлемдік мұнай бағасы көтеріліп жатыр.

WTI маркалы мұнайдың сәуірдегі фьючерстері барреліне 0,43%-ға өсіп, 106,48 долларға жетті.

Brent маркалы мұнайдың мамырдағы фьючерсінің құны 1,12%-ға өсіп, барреліне 109,46 доллар болды.