Боранбаевтың туысы ҚМА қызметкерлеріне пара ұсынған

Сурет: Zakon.kz

Қаржылық мониторинг агенттігінің (ҚМА) жеке қауіпсіздік департаменті жүргізген жедел іс-шараның нәтижесінде агенттіктің жекелеген қызметкерлерінің сыбайлас жемқорлық құқық бұзушылық жасау фактісі анықталды, деп хабарлайды Zakon.kz.

Мәселен, тергеумен қамауға алынған Қ.С. Боранбаевтың туысы – А.Т. Боранбаевтың жедел бөлімшелердің жекелеген қызметкерлеріне заңсыз сыйақы беру фактісі әшкереленді. Қаржылық мониторинг агенттігінің баспасөз қызметі

Сот А.Т. Боранбаевқа және екі қызметкерге қатысты ҚМА өтініші бойынша қамауда ұстау түріндегі бұлтартпау шарасына санкция берді.

Қазіргі уақытта ҚМА жеке қауіпсіздік департаменті сотқа дейінгі тергеп-тексеруді жүргізуде.

Қылмыстық-процестік кодекстің 201-бабының талаптарына сәйкес, өзге ақпарат жария етілуге жатпайды. Қаржылық мониторинг агенттігінің баспасөз қызметі

17 наурызда қазақстандық кәсіпкер Қайрат Боранбаевтың ұсталғаны белгілі болды. Қаржы мониторингі агенттігі квазимемлекеттік секторда аса ірі мөлшерде қаражат ұрлау фактісі бойынша қылмыстық істі тергеп жатыр.

30 қыркүйекте Қайрат Боранбаевқа қатысты істі тергеу аяқталды.

23 қарашада кәсіпкерді қамауға ұстау мерзімі тағы екі айға ұзартылды.

Оқи отырыңыз