Ірі бизнес салық төлеу кезінде қаңтар оқиғасы кезінде шеккен залалдарын ескере алады
Сурет: Zakon.kz
ҚР Мемлекеттік кірістер комитеті бұл норма белгілі бір кезеңге енгізілгенін атап өтті, яғни ол 2022 жылдың 1 қаңтарынан 2023 жылдың 1 қаңтарына дейін қолданыста болады.
Төтенше жағдай нәтижесінде тауарлары бүлініп, жоғалған жағдайда ірі кәсіпкерлік субъектілері:
- корпоративті табыс салығы бойынша төтенше жағдай кезеңінде келтірілген залал сомасын шегере алады. Сәйкесінше, осындай шығындар корпоративті табыс салығын есептеу кезінде ескеріледі (салықты кеміту бөлігінде). Ол үшін қылмыстық қудалауды жүргізетін органның төтенше жағдайға байланысты қылмыстық істер бойынша салық төлеушіні жәбірленуші деп тану туралы қаулысының көшірмесі, сондай-ақ тауардың бүлінгенін, жоғалғанын растайтын құжаты және салық тіркелімінде осындай тауарлардың бүлінгені, жоғалғаны туралы мәліметтің көрсетілуі керек;
- бұрын есепке жатқызылатын қосылған құн салығының (ҚҚС) сомасын төмендетпеуге құқылы.
Айта кетсек, 2022 жылдың 1 маусымында тек Алматыдағы бизнеске келтірілген шығын 98 млрд теңгені құраған.
