Қазақстанда Халықаралық валюта қорының миссиясы өз жұмысын бастады
![Кездесу, сурет - Zakon.kz жаңалық 24.01.2023 19:54](https://kaz.zakon.kz/pbi/WEBP/2023-12-20/file-6e51dc96-611d-46e5-b240-949e570aa062/800x450.webp)
Іс-шараға орталық мемлекеттік органдардың, Ұлттық ,анктің, "Самұрық-Қазына" ҰӘҚ, Жоғары аудиторлық палатаның, Экономикалық зерттеулер институтының және ХВҚ өкілдері қатысты, делінген ведомство хабарламасында.
Кездесу барысында тараптар екіжақты ынтымақтастық мәселелерін талқылап, ХВҚ миссиясының жұмысын бастады. Техникалық көмек шеңберінде шетелдік сарапшылар бюджет-салық саласының ашықтық деңгейін бағалайтын болады. Атап айтқанда, бюджеттік есептілікті, салық-бюджеттік болжамдарды және бюджетті қалыптастыру, бюджеттік тәуекелдерді талдау мен басқаруды, сондай-ақ табиғи ресурстардан түсетін түсімдерді басқаруды зерделеу жоспарлануда.
![Кездесу, сурет - Zakon.kz жаңалық 24.01.2023 19:54](https://kaz.zakon.kz/pbi/WEBP/2023-12-20/file-3893b76d-fca8-4c82-91c7-f8d0727394a5/800x450.webp)
Сурет: ҚР ҰЭМ баспасөз қызметі
Ұлттық экономика вице-министрі Азамат Әмрин атап өткендей, ХВҚ-ның бағалау қорытындылары бойынша ұсынымдары бюджет-салық саясатын одан әрі жетілдіру шеңберінде, оның ішінде жаңа Бюджет және Салық кодекстерін әзірлеу кезінде пайдаланылатын болады.
Халықаралық валюта қорының миссиясы 6 ақпанға дейін жалғасады. ХВҚ сарапшылары ҚР Парламенті Сенатының депутаттарымен, орталық мемлекеттік органдардың өкілдерімен бірқатар кездесулер өткізеді.