22 мамырдағы саудада доллар 3 теңгеге арзандады

Қазақстан қор биржасы (KASE) 15:30-дағы жағдай бойынша доллардың орташа сараланған бағамы 3,16 теңгеге төмендеп, 445,12 теңге болғанын мәлімдеді, деп хабарлайды Zakon.kz.

Қытай юанінің орташа сараланған бағамы да төмендеп, 63,41 теңге (-0,06) болды.

Еуро бағамын Ұлттық банк 484,22 теңге, рубльді 5,62 теңге деп белгіледі.

Ақша айырбастау орындарында доллар 444-446,5 теңгеден, еуро 480-484,5 теңгеден, ресей рублі 5,4-5,6 теңгеден сатылуда.

Ал, 22 мамырдағы сауда барысында әлемдік мұнай бағасы төмендеді.

Лондон қор биржасында ICE (InterContinental Exchange Futures) Brent маркалы мұнай фьючерстерінің баррелі 0,66 долларға арзандап, 74,92 доллар болды.

Нью-Йорктың NYMEX биржасында (New York Merchantile Exchange) Lite маркалы мұнайдың бағасы 0,59 долларға арзандап, барреліне 70,96 доллар болды.