Қазақстанда сұлулық салондарындағы қызметтер бір жылда 15% қымбаттады

Сурет: pixabay

2022 жылдың соңында Қазақстанның сұлулық салондары, косметологиялық орталықтар мен шаштараздар 89,9 млрд теңгеге қызмет көрсетті. Сонымен бірге бұл қызметтердің құны 15%-дан астамға өсті, деп хабарлайды Zakon.kz.

Ұлттық статистика бюросының хабарлауынша, 2023 жылғы маусымдағы жағдай бойынша Қазақстанда сұлулық салондары мен шаштараздардың қызметтері 2022 жылғы маусыммен салыстырғанда 15,1% қымбаттады. Сонымен бірге бұл салада қызмет көрсету көлемі де артты.

2022 жылы Қазақстандағы әйелдер шаштараздары 28,5 миллиард теңгенің қызметін көрсетті. Бұл 2021 жылмен салыстырғанда 4,1 есе көп. Ерлер шаштараздары 10,6 млрд теңге (4,2 млрд теңгеге көп) табыс тапты, 2022 жылы косметологиялық қызмет көрсету көлемі 22,2 млрд теңге болды (бір жыл бұрынғы 10,4 млрд теңгемен салыстырғанда).