Қазақстанда "7-20-25" бағдарламасы аясында 70 мыңға жуық заем берілген
!["7-20-25" бағдарламасы. ипотекалық несие, сурет - Zakon.kz жаңалық 01.09.2023 19:31](https://kaz.zakon.kz/pbi/WEBP/2023-12-20/file-2549d64e-1464-4ec8-80df-db3b6b3f0513/800x450.webp)
ҚР Ұлттық банк баспасөз қызметінің мәліметінше, 2023 жылғы 31 тамыздағы жағдай бойынша, "7-20-25" бағдарламасын іске асыру аясында 944,4 млрд теңгеге 69 891 қарыз берілді.
Бағдарлама бойынша ең көп ипотекалық несие алғандар - Астанада. Елордалықтарға 389,4 млрд теңге сомасына 24 840 заем берілді. Одан кейін Алматы (212,4 млрд теңгенің 13 778 заемы) тұр, үшінші орында – Шымкент (64,3 млрд теңге сомасына 5 234 заем).
![7-20-25 бағдарламасы, ипотекалық несие, сурет - Zakon.kz жаңалық 01.09.2023 19:31](https://kaz.zakon.kz/pbi/WEBP/2023-12-20/file-1910bd7c-47cf-4ace-8b3e-1af16c980f18/800x560.webp)
Сурет: ҚР Ұлттық банктің баспасөз қызметі
2023 жылдың шілдесімен салыстырғанда "7-20-25" бағдарламасын пайдаланған қазақстандықтардың саны небәрі 748 адамға өсті. Қазақстандықтар ипотекалық несие алу қиын екенін, ал бағдарламаға бөлінген ақша өтінімді рәсімдеуге мүмкіндік берместен бірнеше минутта аяқталатынын айтады.
"7-20-25" ипотекалық бағдарламасы Қазақстанда 2018 жылдан бастап жұмыс істейді, 2023 жылы ол бойынша 100 млрд теңгеге дейін заем бөлу жоспарланған.