Декларацияның қабылданғанын қалай білуге болады

Жалпыға бірдей декларациялау, ҚР ҚМ Мемлекеттік кірістер комитеті, сурет - Zakon.kz жаңалық 19.09.2023 09:45

Сурет: pixabay

Жалпыға бірдей декларациялау шеңберінде биыл декларацияны тапсыру мерзімі 2023 жылғы 15 қыркүйекте аяқталған. Осыған орай ҚМ Мемлекеттік кірістер комитеті декларацияның қабылданғанын қайдан, қалай білеуге болатынын айтты, деп хабарлайды Zakon.kz.

"Декларацияның ( 250.00 нысанды "Жеке тұлғаның активтері мен міндеттемелері туралы декларация" /270.00 нысанды "Жеке тұлғаның кірістері мен мүлкі туралы декларация") қабылданғанын/қабылданбағанын қалай және қайдан білуге болады?", – делінген Мемлекеттік кірістер комитетіне жолданған сауалда.

Сұраққа ведомствоның баспасөз қызметі жауап берді:

Декларацияның (250.00 нысанды "Жеке тұлғаның активтері мен міндеттемелері туралы декларация" / 270.00 нысанды "Жеке тұлғаның кірістері мен мүлкі туралы декларация" нысаны) қабылданғаны немесе қабылданбағаны туралы хабарламаны Сіз декларацияны табыстаған қосымшадан немесе кез келген келесі қосымшалардың бірінен қарап/жүктеп алуыңызға болады:

e-Salyq Azamat ("Декларация табыстау" бөлімінде/"СЕН табыстаудың тарихы");
"Салық төлеушінің кабинеті" арқылы ("Салық есептілігінің нысандары" бөлімінде/ "Нысандар журналы").

Оқи отырыңыз