12 қазан күнгі саудада доллар бағамы төмендей түсті

Қазақстан қор биржасының (KASE) мәліметінше, 15:30-дағы жағдай бойынша доллардың орташа сараланған бағамы 1 теңгеге төмендеп, 475,78 теңге болды, деп хабарлайды Zakon.kz.

Қытай юанінің орташа сараланған бағамы арзандап, 65,17 теңге (-0,27) болды.

Еуро бағамын Ұлттық банк 505,53 теңге, рубльді 4,78 теңге деп белгіледі.

Ақша айырбастау орындарында доллар 475,9-478,1 теңге, еуро 505-508 теңге, ресей рублі 4,85-5,01 теңге аралығында саудаланып жатыр.

Ал 12 қазандағы саудада әлемдік мұнай бағасы өсті.

ICE Futures электрондық саудасында желтоқсандағы Brent маркалы мұнай фьючерстерінің құны 0,99%-ға өсіп, барреліне 86,67 доллар болды.

NYMEX электрондық саудасында WTI маркалы мұнайдың қараша айындағы фьючерстері барреліне 0,72%-ға қымбаттап, 84,09 доллар болды.