Жаңалықтар тізбегі
0

Қазақстанда ақылы жолдар неге көбейетінін көлік министрі түсіндірді

Қазақстанда ақылы жолдар неге көбейетінін көлік министрі түсіндірді, сурет - Zakon.kz жаңалық 28.11.2023 12:19 Сурет: Zakon.kz
Көлік министрі Марат Қарабаев үкімет отырысынан кейінгі брифингіде Қазақстан ақылы жолдар санын көбейту туралы шешімді неліктен қабылдағанын түсіндірді, деп хабарлайды Zakon.kz.

Марат Қарабаев Қазақстан аумағы арқылы шетел көліктері көп өтетінін хабарлады.

"Олар Қазақстанның жолдарын пайдаланғаны үшін ақы төлеуі керек. Отандық автотасымалдаушыларға келсек, егер адам ақылы жолдың жақын аймағында тұрса, көлік нөмірі жалпы мәліметтер базасына енгізіледі. Ай сайынғы төлем небәрі 1000 теңге болады. Ал үлкен жүк көліктерінде абонент төлем жүйесі бар", - деп түсіндірді министр

Қазақстандағы жолдардың жалпы ұзындығы - 96 мың шақырым. Бұл республикалық және жергілікті маңызы бар автомобиль жолдары. Оның 3,2 мың шақырымы ғана ақылы жолдар.

"Ақылы жүйе бірінші кезекте транзит жолдарға енгізіліп жатыр. Біздің жолдар жақсы болғанын қалаймыз. Оларды күтіп ұстау үшін қаражат керек. Оны республикалық бюджеттен, азаматтардың қалтасынан емес, сол көліктерден аламыз. Жолды пайдаланғаны үшін ақы аламыз. Неге балама жолы жоқ? Өйткені мұндай жолдарды салуға екі есе көп қаржы керек. Егер балама жолдар қарастырсақ, бұл бюджетке орасан зор салмақ болады. Бюджет салық төлеушілердің есебінен қалыптасады. Сондықтан бюджетке түсетін жүктемені азайтуға бағытталған", - деді Көлік министрі.

28 қарашада ҚР Көлік министрі Марат Қарабаев елдегі ақылы автомобиль жолдары желісін кеңейту жоспары туралы айтты.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: