Қазақстан Ұлттық банкі жаңа монеталар шығарды
![Ұлттық банк, монета, сурет - Zakon.kz жаңалық 06.12.2023 17:36](https://kaz.zakon.kz/pbi/WEBP/2023-12-06/file-e9215084-1cab-44c8-b836-4da14afdbc95/800x450.webp)
2023 жылғы 6 желтоқсанда Қазақстан Ұлттық банкі "Банкноталардағы портреттер" сериясынан Әл-Фараби, Құрманғазы және Сүйінбай коллекциялық монеталарын айналымға шығарады, деп хабарлайды Zakon.kz.
Ұлттық банк "Банкноттардағы портреттер" сериясындағы коллекциялық монеталар туралы мәлімет берді:
"Жаңа монеталар 1993 жылғы үлгідегі Қазақстан Республикасының ұлттық валютасы банкноталарының бірінші сериясының портреттік бейнелеріне арналған. Онда көрнекті тарихи тұлғалар – ғалым Әл-Фараби, айтыскер ақын Сүйінбай Аронұлы, күйші Құрманғазы, ғалым әрі этнограф Шоқан Уәлиханов, ақын әрі философ Абай, сондай-ақ қазақ хандары Әбілқайыр мен Абылай бейнеленген".
2011-2013 жылдары Әл-Фараби, Құрманғазы және Сүйінбай коллекциялық алтын монеталары айналымға шықты.
"Коллекционерлер мен халық тарапынан болған сұранысты ескере отырып, серия күміс және нейзильбер қоспасынан жасалған монеталармен толықтырылып отыр". ҚР Ұлттық банкі
Монеталар:
- әрқайсысы 925/1000 сынамды күмістен, салмағы 31,1 грамм, диаметрі 38,61 мм, proof дайындау сапасымен, номиналы 500 теңгелік, таралымы 2 000 (екі мың) данада жасалды;
- әрқайсысы МНЦ 15-20 нейзильбер қоспасынан, массасы 11,17 грамм, диаметрі 31 мм, uncirculated дайындау сапасымен, номиналы 200 теңгелік, таралымы 50 000 (елу мың) данада жасалды.
![Ұлттық банк, монета, сурет - Zakon.kz жаңалық 06.12.2023 17:36](https://kaz.zakon.kz/pbi/WEBP/2023-12-06/file-3b06a3de-e882-48ca-808d-df8b8ee30f89/800x538.webp)
Сурет: ҚР Ұлттық банкінің баспасөз қызметі
![Ұлттық банк, монета, сурет - Zakon.kz жаңалық 06.12.2023 17:36](https://kaz.zakon.kz/pbi/WEBP/2023-12-06/file-9448e0a8-65d9-476b-a492-c2848506c091/800x525.webp)
Сурет: ҚР Ұлттық банкінің баспасөз қызметі
"Коллекциялық монеталар Қазақстан Республикасының бүкіл аумағында өздерінің белгіленген құнымен төлемнің барлық түрлері бойынша қабылдануға, сондай-ақ елдің барлық банкінде банк шоттарына есепке алынуға және аударуға, ұсақталуға және айырбасталуға міндетті".ҚР Ұлттық банкі
Коллекциялық монеталар Қазақстан теңге сарайында дайындалды.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript