Демалыс күндеріне белгіленген валюта бағамы

Қазақстан қор биржасының (KASE) мәліметінше, сағат 17:00-дегі жағдай бойынша доллардың орташа сараланған бағамы 2,10 теңгеге төмендеп, 457,71 теңге болды, деп хабарлайды Zakon.kz.

Еуроның орташа сараланған бағамы 494,06 теңгеге (-0,88) дейін төмендеді.

Ресей рублінің орташа сараланған бағамы 4,98 теңгеге (-0,18) түсті.

Күндізгі саудада қытай юанінің орташа сараланған бағамы 64,07 теңге (-0,13) болды.

Ақша айырбастау орындарында доллар 459,5-461,5 теңгеге, еуро 495,5-498,5 теңгеге, ресей рублі 4,95-5,09 теңгеге сатып алынып/сатылып жатыр.