Еңбек министрлігі: ең төмен жалақының артуы 1,8 млн адамның табысына әсер етеді

Сурет: Zakon.kz

Елімізде 2024 жылғы 1 қаңтардан бастап ең төмен жалақы мөлшері (бұдан әрі – ЕТЖ) 70 000 теңгеден 85 000 теңгеге дейін ұлғаяды. Осыған байданысты Еңбек және халықты әлеуметтік қорғау министрлігі кей жағдайды түсіндіріп өтті.

Министрліктің дерегінше, ҚР Еңбек кодексіне сай, жұмыс берушілер жұмыскерлерге еңбекақыны ЕТЖ-дан төмен болмайтын деңгейде қамтамасыз етуге міндетті.

"Нәтижесінде 85 мың теңгеге дейін жалақы алатын түрлі меншік нысанындағы кәсіпорындардың барлық саласында жұмыс істейтін 1,8 млн-ға жуық жалдамалы жұмыскердің, оның ішінде бюджет саласындағы 350 мың қызметкердің ақшалай кірісі өседі". Еңбек және халықты әлеуметтік қорғау министрлігі

Бірінші кезекте ЕТЖ арттыру "жалақысы төмен" қызметкерлерге қатысты болады.
Екіншіден, жалақы деңгейін белгілеу кезінде ЕТЖ көрсеткішін пайдаланатын жұмыс берушілер разрядаралық біліктілік жүйесін ескере отырып, қызметкерлердің басқа санаттарының жалақысын қайта қарайды.

Еске салайық, ЕТЖ – еңбек саласындағы ең төмен әлеуметтік стандарт.