Ішкі валюта нарығы: евроны сатып алушылар көбейіп, рубльге деген сұраныс та 21 %-ке өскен
Сурет: pixabay
Бұған 2024 жылдың III тоқсанында қолма-қол шетел валютасымен жасалған операциялар дәлел, деп хабарлайды ҚР Ұлттық банкі 4 қарашада.
Еуроны сатып алу мен сатудың жалпы көлемі алдыңғы тоқсанмен салыстырғанда түрлі бағытта болды. Мәселен, егер, биылғы ІІІ тоқсанның қорытындысы бойынша жеке тұлғалардың айырбастау пунктерінен сатып алуы 126 млн еуроны құрап, 48%-ға ұлғайса, жеке тұлғаларға сату 153 млн еуроға дейін 34%-ға төмендеді.
Алайда, өткен жылдың осы кезеңімен салыстырғанда, еуроны жеке тұлғалардан сатып алу көлемі 11%-ға, ал жеке тұлғаларға сату көлемі 25%-ға төмендегенін көрсетеді.
2024 жылғы III тоқсанның қорытындысы бойынша Ресей рубліне халықтың сұранысы (жеке тұлғаларға сату) алдыңғы тоқсанмен салыстырғанда 21%-ға ұлғайғанын, ал халық ұсыныстарының көлемі (жеке тұлғалардан сатып алу) бұрынғы деңгейде қалғанын көрсетеді. Егер өткен жылдың осы кезеңінде жеке тұлғалардан сатып алу көлемі 14%-ға ұлғайғаны байқалса, ал жеке тұлғаларға сату көлемі 3%-ға төмендегені байқалады.
"АҚШ доллары жағдайына келетін болсақ, 2024 жылдың II тоқсанымен салыстырғанда, биылғы III тоқсанда ҚР қолма-қол шетел валютасының ішкі нарығында халықтың АҚШ доллары бойынша ұсыныс динамикасы (жеке тұлғалардан сатып алу) бұрынғы деңгейде қалды. Бұл ретте, халық тарапынан сұраныс (жеке тұлғаларға сату) аздап төмендеуді көрсетеді".
Сонымен қатар, есепті кезеңде өткен жылдың осы кезеңімен салыстырғанда, жеке тұлғалардан сатып алу көлемі 14%-ға төмендегені, ал жеке тұлғаларға сату көлемі 6%-ға төмендегені байқалады.
