Қазақстандағы бірқатар салаларға ҚҚС мөлшерлемесін 10% деңгейінде белгілеу ұсынылды

Қазақстан Ұлттық экономика вице-министрі Азамат Әмрин 2025 жылғы 27 ақпанда Мәжілісте ҚР Салық кодексіндегі түзетулерді таныстырды, деп хабарлайды Zakon.kz.

Спикер Үкімет қосымша құн салығы (ҚҚС) бойынша сараланған мөлшерлемені енгізуді ұсынып отырғанын айтты. Жалпы белгіленген мөлшерлеме 16%-ды құрайды – бұл базалық мөлшерлеме. Сондай-ақ агроөнеркәсіптік кешен үшін ҚҚС-тан толық босату көзделеді. Бұл ретте ҰЭМ өз еркімен есепке алу құқығын сақтайды, яғни егер салық төлеуші ҚҚС төлегісі келсе, онда оған бұл құқық беріледі.

"Сондай-ақ 10% аралық мөлшерлеме қарастырылған. Парламентке түскен жобада бұл ставка Денсаулық сақтау саласына ұсынылды. Бұл ретте, бірқатар жұмыс сапарларында, бизнес кездесулерде және әртүрлі сайттардағы сауалнамалар аясында айтарлықтай жаңа ұсыныстар кездесті. Атап айтқанда, азық-түлік өнімдеріне және тауарлардың басқа да санаттарына ҚҚС-ны төмендету бойынша бастамалар айтылды. Қазір бұл мәселелердің барлығы талқылау сатысында. Менің ойымша, Парламент Мәжілісіндегі бейінді топтың жұмысы аясында біз осы ұсыныстардың барлығын егжей-тегжейлі қарастырамыз", – деді Азамат Әмрин.

Мәжіліс таратқан ақпаратта "Туризмді дамытуды ынталандыру үшін, IT, креативті индустрия, азық-түлік өндірісі сияқты бірқатар басқа салалар үшін 10% аралық мөлшерлеме қарастырылады" делінген.

Бұған дейін Қазақстанда 2025 жылы инфляция деңгейі айтарлықтай өсуі мүмкін екендігі хабарланған болатын.