Қолды дұрыс жуу респираторлық инфекцияларды 25% азайтуға мүмкіндік береді
Сурет: unsplash
Бұл күн қол жуудың денсаулыққа әсері туралы халықтың хабардарлық деңгейін арттыруға арналған. Дүниежүзілік таза қол күні жеке гигиена негіздеріне арналған. Оның басты мақсаты – қолды жууды үйде де, одан тыс жерде де әдеттегі әрекетке айналдыру.
Адам түшкіргенде немесе жөтелгенде, аузын алақанымен жауып, содан кейін қоғамдық көліктегі есік тұтқасына немесе ұстағышқа тигенде, вирустар мен бактериялар оның қолында қалады. Мұның өзі қауіп төндірмейді. Мәселе мынада, біз ойланбай орташа есеппен сағатына 23 рет бетімізге қол тигіземіз. Бұл күні бойы жүз рет қол тигізуді білдіреді. Әр осындай байланыста біз ауыздың, мұрынның және көздің шырышты қабаттары арқылы инфекцияны жұқтыру қаупіне ұшыраймыз. Қолды үнемі жуу бұл қауіпті айтарлықтай төмендетеді.
"Құрамында алкоголь бар антисептиктер, майлықтар, гельдер және басқа дезинфекциялық құралдар пайдалы болуы мүмкін, бірақ қарапайым сабынмен ештеңені салыстыруға келмейді. Сабын мен судың үйлесімі инфекциялық ауруларға қарсы ең күшті қарудың бірі болып қала береді. Сондықтан ДДҰ қолды жуу мүмкін болмаса, антисептикті сабынға балама ретінде ғана қолдануды ұсынады. Ең бастысы - қолды дұрыс жуу: мұны кем дегенде 20 секунд жасау ұсынылады. Алақанның артқы жағына, саусақтардың арасындағы теріге назар аудару керек. Тырнақтар туралы ұмытпаңыз — олардың астында үнемі кір, тамақ қалдықтары және басқа заттар жиналады, бұл патологиялық микроорганизмдердің көбеюіне тамаша жағдай жасайды". ҚР Денсаулық сақтау министрлігі
Дәгігерлер қолды тамақ пісірер алдында және дастархан жаймас бұрын, тамақтанар алдында, көшеден келгенде немесе қоқысты шығарғанда, дәретханаға барғаннан кейін, жараны емдеуден бұрын және кейін, үй жануарларымен ойнағаннан кейін және тағы басқа жағдайларда жуу міндетті дейді.
"Бұл диарея ауруларының деңгейін 40%, ал респираторлық инфекциялардың деңгейін 25% төмендетеді. Таза қол - вирустарға, бактерияларға және басқа микроорганизмдерге, әсіресе ЖРВИ, тұмау маусымына қарсы алғашқы қорғаныс желісі. Таза қол салауатты өмір салтының негіздерінің бірі екені есіңізде болсын", - делінген Денсаулық сақтау министрлігі хабарламасында.
